عجينتي السحريه اللي الحمد لله كتصدق ليا ديما
و مجموعه من المعجنات اللي كندير بيها مع تغيير
في الاشكال و المقادير ديال الحشو
باش كل مرة يطلع المذاق مختلف
لأنها كما تعلمون من نفس العجينه
أبدأ على بركة الله بمقادير العجينه :
3 أكواب ديال الطحين (داك الكوب الاصفر هو باش كنقيس المقادير )
نص كوب من الياغورت طبيعي
ربع كوب زيت (او 4 معالق كبار )
قبصه ديال الملح
نص معلقه صغيرة ديال الخميرة الكيماويه
2 معالق كبار من خميرة العجينه + ملعقه كبيرة سكر نخلطوهم فكاس مع الماء دافي
منين كتطلع الخميرة على الكاس بحال هاد الشكل كنعجنو بيها ديك المقادير السابقه
انا شخصيا كندير الخميرة حبيبات
و لما كطلع مع الكاس بحال هاد الشكل كنعرفها غادي تخمر ليا مزيان
ولو العكس كنعاود ندير وحده اخرى
المهم و انتي كتعجني زيدي الما اذا كانت العجينه محتاجه (ممكن تعجني بالحليب )
كدلكي العجين مزيان
و خصها تكون لينه و رطبه مكتلصقش فاليد و ماشي قاسيه
هذا شكلها بعد العجن كنغطيوها
و نخلليوها تخمر شي ساعه تقريبا (او حسب الجو)
هذا شكلها بعد الاختمار
و صافي هاهي واجده باش نشكلوها
و دابا غادي نبدا فالوصفات
1 ـ فطيرة التمر و جوز الهند (الكوك)
كنحتاجو عجينة التمر (تباع جاهزه) + 2 معالق كبار زبده
و الكوك
كنخلط التمر مع الزبده باش يجي ساهل فالحشو و يولي رطب
كناخدو العجينه (اللي عطيت مقاديرها سابقا ) بعد ما تكون خمرات
كنسرحها بالمدلك و نحاول نخلليها على شكل مستطيل
كناخد عجينة التمر و نبدا نوزعها على العجينه (انا قطعت الجناب الزايدين باش متخسرش فاش نلويها
كنرش من بعد الكوك
كنبدا نلويها و نحاول نجمعها باش يشد فيها التمر
كيولي عندنا قضيب ملفوف و نضغط عليه باش التمر و الكوك يقبطو فبعضهم و ميتْشَتًتْش
كتاخدي شي سكين حاد و ماضي مزيان و نقسم داك القضيب من النصف
غادي نحصل على قطعتين مثل الصورة و ضغطي على جناب كل قطعه مزيان باش متفتحش ليك و انتي كضفريها
و نبدا نضفر فالعجينه (هزي طرف فوق الآخر بشويه )
اهم حاجه ألبنات هو انكم تحطو القطعتين فوق الطاوة اللي غادي تخبزي فيها الفطيرة
لأنك إذا ضفرتيها عاد جيتي تهزيها غادي تعواج كلها
منين تكملي الضفير جهه من الضفيرة لصقيها
و جهه خلليها مفتوحه
باش دخلي الطرف المسدود فالثاني المفتوح
و عاد ضغطي بحذر باش يلصق
منين تسديها بهاد الشكل
رشيها بشويه ديال الحليب و حطي عليها قطع من الزبده (تقريبا 2 معالق كبار )
يتبع..
كدخليها لفرن متوسط الحراره (و طبعا مسخن من قبل )
و هذا شكلها بعد الخبز
و هذا الشكل عن قرب
2 ـ فطيرة التاج
الحشوة :
كنحتاج لعجينة اللوز الجاهزة (ولو استعملتي اللوز مسلوق و مطحون فالدار زيدي عليه السكر ) حيث عجينة اللوز كيما كتعرفو حلوة + معلقه كبيرة زبده + معلقه كبيرة ماء الزهر + شويه ديال القرفه
و الزبيب
كنخلط عجينه اللوز مع باقي المقادير باش تولي رطبه و جاهزة للحشو
كناخد العجينه ديالي (طبعا اللي عطيت مقاديرها سابقا ) بعدما خمرات
و نفرقها على 2 قطع
و نسرح كل قطعه على شكل مستطيل
و نحط عليها اللوز و نرش الزبيب
و نلف كل مستطيل بوحده حول نفسه للحصول على قضيبين
و نبدا نضفر القضيبين
و نحط الضفيره على الطاوة اللي غادي نخبز فيها الفطيرة عاد باش نلفها على شكل دائري
و ندهن الوجه بصفار بيضه + الحليب
و نخبزها في فرن متوسط الحراره
و منين نخرجها من الفرن ندهن الوجه بكونفتير سائل
و نرش برقائق اللوز اللي حمرتها شويه فمقلاة
و هذا الشكل عن قرب
يتبع...
نسيت فطيرة التمر منين كنخرجوها من الفرن كندهنوها بكونفتير جاري
باش يعطيها ديك اللمعه
الأربعاء 04 أكتوبر 2023, 1:33 pm من طرف sama
» تشكيلة من المشدات انحتي الخصر وابرزي المؤخرة ...
الأحد 22 فبراير 2015, 11:22 pm من طرف sama
» جديد الأكسسوارات
الأحد 02 ديسمبر 2012, 3:02 pm من طرف sama
» مسك عبد الصمد القرشي وعطور اصلية باسعار مفاجأة
الأحد 02 ديسمبر 2012, 3:00 pm من طرف sama
» قمصان نوم وبذلات رقص من مصرباثمنة مناسبة
الأحد 02 ديسمبر 2012, 2:56 pm من طرف sama
» خاص للبنات وسري للغايه
الأحد 02 ديسمبر 2012, 2:51 pm من طرف sama
» فساتين للمحجبات خيالية
الأحد 02 ديسمبر 2012, 2:36 pm من طرف sama
» شنط لسهرة 200 درهم
الأحد 02 ديسمبر 2012, 12:29 pm من طرف sama
» دعاء المضلوم المكروب
الثلاثاء 22 نوفمبر 2011, 2:16 pm من طرف sama